Trúnaður

Tækið sem við höfum öll beðið eftir: Babble! Giving you the freedom to talk confidentially.

Ástkæru fjölmiðlar …

Í eitt skipti fyrir öll: Það heitir Pó-land. Ekki Pól-land, því það er ekki nálægt neinum pól, heldur alls konar hlutum sem heita Pó: á og/eða fjallgarði og/eða gresju. Við lögðum öll nóg á okkur í grunnskóla til að muna þetta, til að orðið ætti að komast óskaddað á forsíður. Nývaknaður og alveg brjálaður.

Reiðhjól

Það virðist enginn staður í borginni selja notuð reiðhjól, nema lögreglan sem býður upp þýfi þennan eina dag á ári – ég er semsagt á höttunum eftir ódýru hjóli, ef einhver skyldi luma á slíku …

Eru visindi heimsk?

Á forsíðu Morgunblaðsins í dag birtist fréttin hér við hliðina, þar sem vísindamenn – raunvísindamenn – hafa semsagt komist að þeirri niðurstöðu að í hóflegum skömmtum geti leti slegið á streitu. Textinn að neðan er úr grein sem birtist sama dag á mbl.is, um að heili lesbía bregðist öðruvísi við lykt karla og kvenna en heili gangkynhneigðra kvenna. Nú er ljóst að textarnir sjálfir eru ekki unnir af vísindamönnum, heldur blaðamönnum. Því er spurningin opin: hvar er heimski hlekkurinn? Hver er það, á leið vísindarannsókna til almennings, sem ræður því að vísindi virðast einkum beina athygli sína að því að finna mólekúl á bakvið 'frávikshegðun' eins og samkynhneigð er orðuð í helsta inngangsriti að félagsfræði við Háskóla Íslands þessa önn, renna stoðum forheimskaðrar 'skynsemi' undir það sem ýmist er einfaldlega vanþekking eða öllum ljóst (það er, ýmist öllum ljóst og rangt, eða öllum ljóst og rétt). Hvaða mengi persóna sem á í hlut, ef einhver skyldi asnast til að lesa þetta blogg í frístundum, þó mig gruni að eini lesandinn sé bróðir minn:

1. Mólekúl hafa ekki skýringargildi, heldur eru í besta falli vafasöm þýðing á merkingarbærum heimi manneskja.
2. Það er óþarft að sækja vatnið (ágæti hægðarinnar) yfir lækinn (excel-skjalið með rannsóknarniðurstöðunum).
3. Fánýti er fánýti.
4. Óþörf orð eru óþörf.
5. Lesið eitthvað – eitthvað – sem kemur starfi ykkar ekki við, víkkið sjóndeildarhringinn, verðið fyrst manneskjur, síðan vísinda- eða blaðamenn.

Til almennings og ráðamanna: Endurnefnið atvinnuleysisbætur 'nýsköpunarsjóð' og liðkið til í reglunum, svo fólk geti vandræðalaust tekið sér frí frá störfum og ráðið bót á þessari vitleysu og annarri.

Kynhvötin og heilastarfsemi könnuð
Heilinn í lesbíum bregst öðruvísi við kynhormónum en heilinn í gagnkynhneigðum konum. Þetta staðfestir ný sænsk könnun, þar kemur jafnframt fram að heilinn í lesbíum sýnir svipuð viðbrögð og heilinn í gagnkynhneigðum körlum. Frá þessu var sagt í riti sænsku vísinda-akademíunnar í dag.

Með ákveðið óþol vegna bakverkja (og þó er mér nokkur alvara),

Haukur Már.

Hnefun ljoða

Hr. Z var að láta frá sér nýja bók, the Parallax view. Á s. 13 má lesa: „The fist (focus of purposeful work, the hand as the most tightly controlled and trained part of our body) replaces the phallus (the organ out of our conscious control par excellence, since its erection comes and goes independently of our will), in a kind of correlate to somebody who approaches a state that should emerge "spontaneously" in a well-planned instrumental way (a poet who constructs his poems in a "rational" way, for instance, is a poetic fist-fucker).“ Ekki að hnefun hafi ekki komið fyrir í heimspeki og ljóðum áður …

við hnefum öll, á einn hátt eða annan.

Shining on me, shining on you!

Sólskinsmynd!